|
|
21-04-2007, 22:44
|
#11 |
|
Banlanmış Üye
 Üyelik Tarihi: Apr 2007 Bulunduğu Yer: Belçika Mesajlar: 690 Tesekkür: 0  15 mesajina 19 kez tesekkür edildi 
|
Çeşm-i Giryanım görüp
Ol ki her sa'at gülerdi çeşm-i giryânım görüp Ağlar oldu hâlime bî-rahm cânânım görüp Eyleyen ta'yin-i cezâ-yi müdâvâ derdime Terk edip cem' etmedi hâl-i perîşânım görüp Lâle-ruhlar göğsümün çâkine kılmazlar nazar Hiç bir rahm eylemezler dâğ-i hicrânım görüp Tut gözün ey dûd-i dil çerhin ki devrin terk edip Kalmasın hayrette çeşm-i gevher efşânım görüp Pertev-i hur-şîd sanmam yerde kim devr-i felek Yere urmuş âf-tâbın mâh-i tâbânım görüp Suda aks-i serv sanmam kim koparıp bağ-bân Suya salmış servini serv-i hırâmânım görüp Ey Fuzûlî bil ki ol gül-'ârızı görmiş değil Kim ki ayb eyler benim çâk-i girîbânım görüp Fuzuli |
|
|
21-04-2007, 22:45
|
#12 |
|
Banlanmış Üye
Üyelik Tarihi: Apr 2007 Bulunduğu Yer: Belçika Mesajlar: 690Tesekkür: 0 15 mesajina 19 kez tesekkür edildi
|
Dehenin Derdüme Dermân Dediler Cânânum
Gazel Dehenin derdüme dermân dediler cânânum Bildiler derdümi yohdur dediler dermânun Olsa mahbûblarun ışkı cehennem sebebi Hûr u gılmânı kalur kendüsine Rıdvân'un Geçdi meyhâneden il mest-i mey-i ışkun olup Ne meleksen ki harâb etdün evin şeytânun Urmazam sıhhat içün merhem ohun yarasına İsterem çıhmaya zevk-i elem-i peykânun Ne bilür ohumayan Mushaf-ı hüsnün şerhin Yere gökden ne içün indügini Kur'ân'un Yerden ey dil göge kovmuşdu sirişküm melegi Anda hem koymayacakdur oları efgânum Ey Fuzûlî oluben garka-i girdâb-ı cünûn Gör ne kahrın çekerem döne döne devrânun Fuzuli ************************************************** *********** Dost bî-pervâ felek bî-rahm ü devran bî-sükûn Gazel Dost bî-pervâ felek bî-rahm ü devran bî-sükûn Derd çoh hem-derd yoh düşmen kavî tâli' zebûn Sâye-i ümmîd zâ'il âfitâb-ı şevk germ Rütbe-i idbâr âlî pâye-i tedbîr dûn Akl dun-himmet sadâ-yı tâ'ne yer yerden bülend Baht kem-şefkat belâ-yı ışk gün günden füzûn Men garîb ü râh-ı mülk-i vasl pür-teşvîş ü mekr Men harîf-i sâde-levh ü dehr pür-nakş-ı füsûn Her sehî-kad cilvesi bir seyl-i tûfân-ı belâ Her hilâl-ebrû kaşı bir ser-hat-ı meşk-i cünûn Yelde berg-i lâle tek temkîn-i dâniş bî-sebât Suda aks-i serv tek te'sir-i devlet vâj-gûn Ser-had-i matlûba pür-mihnet tarîk-i imtihân Menzil-i maksûda pür-âsîb râh-ı âzmûn Şâhid-i maksad nevâ-yı çeng tek perde-nişîn Sâğar-ı işret habâb-ı sâf-ı sahbâ tek nigûn Tefrika hâsıl tarîk-i mülk-i cem'iyyet mahûf Ah bilmen neyleyem yoh bir muvâfık reh-nümûn Çihre-i zerdin Fuzûlî'nün dutupdur eşk-i âl Gör ana ne rengler geçmiş sipihr-i nîl-gûn Fuzuli Konu ceylanbas tarafından (21-04-2007 Saat 22:47 ) de değiştirilmiştir. |
|
|
|
21-04-2007, 22:46
|
#13 |
|
Banlanmış Üye
Üyelik Tarihi: Apr 2007 Bulunduğu Yer: Belçika Mesajlar: 690Tesekkür: 0 15 mesajina 19 kez tesekkür edildi
|
Ey Musavvir Yâr Timsâline Sûret Vermedün
Gazel Ey musavvir yâr timsâline sûret vermedün Zülf ü ruh çekdün velî tâb u terâvet vermedün Işk sevdâsından ey nâsih meni men' eyledün Yoh imiş aklın mana yahşi nasîhat vermedün Dün ki fursat düşdü hâk-i dergehünden kâm alam N'oldu ey göz yaşı göz açmağa fursat vermedün Göz yumup âlemde isterdüm açam ruhsâruna Cânum aldun göz yumup açınca möhlet vermedün Bu mıdur rahmün ki hâlün eyler iken kasd-i cân Çıhdı hattun kim anı men'e de ruhsât vermedün Verme hüsn ehline yâ Rab kudret-i resm-i cefâ Çün vefâ çekmekde ışk ehline tâkat vermedün Ey Fuzûlî öldün efgân etmedün rahmet sana Rahm kıldun halka efgânunla zahmet vermedün Fuzuli ************************************************** * Ezel kâtipleri uşşâk bahtın kare yazmışlar Gazel Ezel kâtipleri uşşâk bahtın kare yazmışlar Bu mazmûn ile hat ol safha-i ruhsâre yazmışlar Havâs-ı hâk-i pâyun şerhini tahkîk edîp merdüm Gubâr îlen beyâz-ı dîde-i hûnbûre yazmışlar Girip büthâneye kılsan tekellüm cân bulur şeksiz Musavvirler ne sûret kim der ü dîvâne yazmışlar Muharrirler yazanda her kime âlemde bir rûzî Bana her gün dil-i sad-pâreden bir pâre yazmışlar Yazanda Vâmık u Ferhâd u Mecnûn vasfın ehl-i derd Fuzûlî adını gördüm ser-i tumâre yazmışlar Fuzuli |
|
|
|
21-04-2007, 22:49
|
#14 |
|
Banlanmış Üye
Üyelik Tarihi: Apr 2007 Bulunduğu Yer: Belçika Mesajlar: 690Tesekkür: 0 15 mesajina 19 kez tesekkür edildi
|
Gazel
Zülfü gibi ayagın koymaz öpem nigarın Yoktur anın yanında bir kılca i'tibarım Bildi tamam alem kim derd-mend-i aşkım Ya Rab henüz halim bilmez mi ola yarim Vaslından ayrı kanım nola dökülse gül gül Ben gülbün-i hazanem bu fasldır baharım Tasvir eden vücudum yazmış elimde sagar Ref' olmaya bu suret yok elde ihtiyarım Dür istemem zamani mey neş'esin başımdan Toprag olanda ya Rab derd-i mey et gubarım Rüsvalarından ol meh sanmaz beni Fuzuli Divane olmayam mı dünyada yok mu arım Fuzuli ************************************************** *** Gazel Dostum alem seninçün ger olur düşmen bana Gam degil zira yetersin dost ancak sen bana Aşka saldım ben beni pend almayıp bir dosttan Hiç düşmen eylemez anı kim ettim ben bana Can ü ten oldukça benden derd ü gam eksik degil Çıksa can hak olsa ten ne can gerek ne ten bana Gamze tigin çekti ol mah olma gaafil ey gönül Kim mukarrerdir bu gün ölmek sana şiven bana Ey Fuzuli çıksa can çıkmam tarik-i aşktan Reh-güzer-i ehl-i aşk üzre kılın medfen bana Fuzuli |
|
|
|
21-04-2007, 22:50
|
#15 |
|
Banlanmış Üye
Üyelik Tarihi: Apr 2007 Bulunduğu Yer: Belçika Mesajlar: 690Tesekkür: 0 15 mesajina 19 kez tesekkür edildi
|
Gazel 3
Öyle ser-mestem ki idrâk etmezem dünyâ nedür Men kimem sâkî olan kimdür mey û sahbâ nedür Gerçi cânândan dil-i şeydâ içün kâm isterem Sorsa cânân bilmezem kâm-ı dil-i şeydâ nedür Vasldan çün aşık-ı müstâğni eyler bir visal Aşıka maşukdan her dem bu istiğnâ nedür Hikmet-i dünyâ vü mâfiha bilen arif degül Arif oldur bilmeye dünyâ vü mâfiha nedür Ah u feryâdun Fuzûlî incidübdür âlemi Ger belâ-yı ışk ile hoşnûd isen gavga nedür Fuzuli ************************************************** *** Gazel 5 Ey giyip gülgûn demâdem azm-i cevlân eyleyen Her taraf cevlân edip döndükçe yüz kan eyleyen Ey beni mahrum edip bezm-i visâlinden müdâm Gayri, hân-ı iltifatı üzre mihmân eyleyen! Ey demadem reşk tiğiyle benim kanım döküp Mey içip ağyâr ile seyr-i gülistân eyleyen. Bunca kim efgaanımı ey mâh, işittin giceler Dimedin bir gice; ''Kimdir bunca efgaan eyleyen.'' Aşk derdiyle olur aşık mizâcı müstakîm Düşmenimdir dostlar, bu derde derman eyleyen. Derd-i hicrân, natüvan etmiş Fuzûlî hasteyi, Yok mudur Yâ Rabb devâ-yı derd-i hicrân eyleyen! Fuzuli |
|
|
|
21-04-2007, 22:51
|
#16 |
|
Banlanmış Üye
Üyelik Tarihi: Apr 2007 Bulunduğu Yer: Belçika Mesajlar: 690Tesekkür: 0 15 mesajina 19 kez tesekkür edildi
|
Gazel(Beni Candan Usandırdı)
Beni candan usandırdı cefâdan yâr usanmaz mı Felekler yandı âhımdan murâdım şem'i yanmaz mı Kamu bîmârına cânân deva-yı derd eder ihsan Niçün kılmaz bana derman beni bîmar sanmaz mı Şeb-i hicran yanar cânım döker kan çeşm-i giryânım Uyarır halkı efgânım kara bahtım uyanmaz mı Gûl-i ruhsârına karşu gözümden kanlu akar su Habîbim fasl-ı güldür bu akar sular bulanmaz mı Gâmım pinhan tutardım ben dedîler yâre kıl rûşen Desem ol bî-vefâ bilmem inanır mı inanmaz mı Değildim ben sana mâil sen ettin aklımı zâil Beni tan eyleyen gafîl seni görgeç utanmaz mı Fuzûlî rind-i şeydâdır hemîşe halka rüsvâdır Sorun kim bu ne sevdâdır bu sevdâdan usanmaz mı Fuzuli |
|
|
|
21-04-2007, 22:53
|
#17 |
|
Banlanmış Üye
Üyelik Tarihi: Apr 2007 Bulunduğu Yer: Belçika Mesajlar: 690Tesekkür: 0 15 mesajina 19 kez tesekkür edildi
|
Gerçi Ey Dil Yâr İçün Yüz Verdi Yüz Mihnet Sana
Gerçi ey dil yâr içün yüz verdi yüz mihnet sana Zerrece kat'-ı mahabbet etmedün rahmet sana Işk ehlin âteş-i hicrâna eylersen kebâb Döne döne imtihân etdün budur âdet sana Saklama nakd-i gam-ı ışkını ey cân zâhir et Kim verem habs-i bedenden çıkmağa ruhsat sana Çâre-i bihbûdumu sordum mu'âlicden dedi Derd derd-i ışk ise mümkin degül sıhhat sana Dutaram yarın kıyâmetde habîbüm dâmenün Mest isen gaflet şarâbından bu gün möhlet sana İncidür nâlem seni veh n'ola ger bir tîğ ile Çeşm-i cellâdun ede ihsân mana minnet sana Sende dün gördüm Fuzûlî meyl-i mihrâb-ı namâz Terk-i ışk etmek mi istersen nedür niyyet sana Fuzuli |
|
|
|
21-04-2007, 22:53
|
#18 |
|
Dost
Üyelik Tarihi: Mar 2007 Bulunduğu Yer: dostun sayfası Mesajlar: 794Tesekkür: 0 25 mesajina 28 kez tesekkür edildi
|
can dostum yüreğine, ellerine,sağlık..
__________________
Hayata Deger Bir Yasam Sevmeye Deger Bir Ask Dostluga Deger Bir Arkadasliktan ASLA VAZGEÇME... Ne Eksik Ne Fazlasini Ara Ve Seni üzenle Asla Ugrasma!!! |
|
|
|
21-04-2007, 22:54
|
#19 |
|
Banlanmış Üye
Üyelik Tarihi: Apr 2007 Bulunduğu Yer: Belçika Mesajlar: 690Tesekkür: 0 15 mesajina 19 kez tesekkür edildi
|
Hansı Gülşen
Fuzuli dünya edebiyat litaratüründe en büyük isimlerden bir tanesidir.Onun bu aşağıdaki gazelini sizlerle paylaşmaktan mutluluk duyacağımı öncelikle belirtmeyi vazifem bilirim. Hansı Gülşen 1-Hansı gülşen gülbüni serv-i hıramanunca var Hansı gülbün üzre gonce la’l-i handanunca var (Hangi gül bahçesinin gül fidanı senin salınan selvi boyun kadar uzundur? Hangi gül fidanındaki gonca senin gülen dudaklarına benzer?) 2-Hansı gülzar içre bir gül açılur hüsnün kimi Hansı gül bergi leb-i la’l-i dür-efşanunca var (Hangi gül bahçesinde senin güzel yüzün gibi bir gül açılır? Hangi gül yaprağı senin inci saçan kırmızı dudağın gibidir?) 3-Hansı bağun var bir nahli kadün tek bar-ver Hansı nahlün hasılı sib-i zenahdanunca var (Hangi bahçenin senin boyun gibi meyveli bir fidanı vardır.Hangi fidanın meyvesi senin çenenin elmasına benzer?) 4-Hansı huni sen kimi cellada olmuşdur esir Hansı celladun kılıcı nevk-i müjganunca var (Hangi katil senin gibi bir cellada tutsak olmuştur.Hangi celladın kılıcı senin kirpiklerinin ucu gibi sivri ve keskindir?) 5-Hansı bezm olmış münevver bir kadün tek şem’den Hansı şem’ün şu’lesi ruhsar-ı tabanunca var (Hangi toplantı senin boyun gibi bir mumla aydınlanmıştır? Hangi mumun ışığı senin parlak yanağın gibidir?) 6-Hansı yerde tapılur nisbet sana bir genc-i hüsn Hansı gencün ejderi zülf-i perişanunca var (Sana benzeyen bir güzellik hazinesi nerede bulunur? Hangi hazineyi bekleyen yılan senin dağınık saçlarına benzer.) 7-Hansı gülşen bülbüin derler Fuzuli sen kimi Hansı bülbül nalesi feryad-u efganunca var (Fuzuli, hangi gülbahçesinin bülbülünün sana benzediğini söyleyebilirler? Hangi bülbülün iniltisi senin bağırışın, haykıırışın gibidir? Fuzuli |
|
|
|
21-04-2007, 22:55
|
#20 |
|
Banlanmış Üye
Üyelik Tarihi: Apr 2007 Bulunduğu Yer: Belçika Mesajlar: 690Tesekkür: 0 15 mesajina 19 kez tesekkür edildi
|
Hüsnün Oldukca Füzûn Işk Ehli Artuk Zâr Olur
Gazel Hüsnün oldukca füzûn ışk ehli artuk zâr olur Hüsn her mikdâr olursa ışk ol mikdâr olur Cennet içün men' eden âşıkları dildârdan Bilmemiş kim cenneti âşıklarun dîdâr olur Işk derdinden olur âşık mizâcı müstakîm Âşıkun derdine dermân etseler bîmâr olur Zâhid-i bî-hod ne bilsün zevkini ışk ehlinün Bir aceb meydür mahabbet kim içen hüşyâr olur Işk sevdasına sarf eyler Fuzûlî ömrünü Bilmezem bu hâb-ı gafletden kaçan bîdâr olur Fuzuli |
|
|
 |
| Tags |
| fuzuli, Şiirleri |
|
|
Normal Mod
